കെ എസ് എഫ് ഇ സ്റ്റാഫ് അസോസിയേഷന്‍ 25-ാമത് ആലപ്പുഴ ജില്ലാ സമ്മേളനം സി ഐ റ്റി യു ജില്ലാ സെക്രട്ടറി പി. ഗാനകുമാര്‍ ചേര്‍ത്തലയില്‍ ഉദ്ഘാടനം ചെയ്തു.
ശാഖകളിലെ ജീവനക്കാരുടെ ക്ഷാമം പരിഹരിക്കുക, പി എസ് സി നിയമനം ത്വരിതപ്പെടുത്തുക, ശമ്പളപരിഷ്കരണം ഉടന്‍ നടപ്പാക്കുക, ഇടക്കാലാശ്വാസം അനുവദിക്കുക, 2014നു ശേഷം ജോലിയില്‍ കയറിയവര്‍ക്ക് പെന്‍ഷന്‍ പദ്ധതി നടപ്പാക്കുക എന്നീ ആവശ്യങ്ങള്‍ ജില്ലാസമ്മേളനത്തില്‍ ഉന്നയിച്ചു. ജില്ലാ സെക്രട്ടറി എസ് ഉല്ലാസ് സ്വാഗതം പറഞ്ഞ സമ്മേളനത്തില്‍ ജില്ലാ പ്രസിഡന്‍റ് എ കൃഷ്ണന്‍ അദ്ധ്യക്ഷത വഹിച്ചു. സംസ്ഥാന ട്രഷറര്‍ എ ഷാഹിമോള്‍, സംസ്ഥാന ജോയിന്‍റ് സെക്രട്ടറിമാരായ വി എല്‍ പ്രദീപ്, എന്‍ ഉണ്ണിക്കൃഷ്ണന്‍, ആര്‍ ഷീജ, ജില്ലാ ട്രഷറര്‍ രശ്മി എസ് ബാലന്‍ എന്നിവര്‍ സംസാരിച്ചു. ര‍ഞ്ജിത്ത് സി റ്റി, സുഗമ്യ സി വി, പി വിനീതന്‍, പി എം മനോജ് എന്നിവര്‍ പങ്കെടുത്തു. തുടര്‍ന്ന് പ്രതിനിധി സമ്മേളനവും ചര്‍ച്ചയും നടന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ